Register  -  Login
Առաջին հայաստանյան թիմի մասնակցությունը կենտրոնական և արևելյան Եվրոպայի դատախաղ մրցույթին և նրանց հաջողությունները
2008 թ.-ին ԵՊՀ Եվրոպական իրավունքի և ինտեգրման կենտրոնի և Գերմանիայի Ռոբերտ-Բոշ հիմնադրամի նախաձեռնությամբ և ֆինանսական աջակցությամբ ապահովվել է ԵՊՀ իրավաբանական ֆակուլտետի ուսանողների մասնակցությունը Կենտրոնական և Արևելյան Եվրոպայի Դատախաղ մրցույթին: Ուսանողները մրցել են տարածաշրջանի 18 այլ երկրների ուսանողների հետ Լյուքսեմբուրգի Եվրոպական դատարանի մտացածին դատավարությունում ԵՄ ինստիտուտների ներկայացուցիչների, եվրոպական համալսարանների գիտնականների և եվրոպական իրավունքի մասնագետների առջև:
Հայաստանը առաջին անգամ մրցույթում ներկայացնող ԵՊՀ իրավաբանական ֆակուլտետի ուսանողների թիմը զբաղեցրեց 10-րդ տեղը: ԵՊՀ թիմի կազմում էին Եվրոպական իրավունք մասնագիտացմամբ ԵՊՀ իրավաբանական ֆակուլտետի մագիստրատուրայի ուսանողներ Շուշանիկ Չիտախյանը, Մայա Ալեքսանյանը և Դիանա Ղուկեյանը: Շուշանիկ Չիտախյանը ստացավ բանախոսի մրցանակ` ընդգրկվելով լավագույն 7 բանախոսների շարքում: Ուսանողներին ուղեկցում էին թիմի ղեկավարներ ԵՊՀ իրավաբանականֆակուլտետի եվրոպական իրավունքի դասախոսներ Աննա Հակոբյանը և Սինդի Դաասը:
 
Եվրոպական իրավունքի և ինտեգրման կենտրոնը փնտրում է հետաքրքրված կազմակերպությունների, ովքեր կցանկանան աջակցել ապագա թիմերի մասնակցությանը սույն մրցույթին և կնպաստեն այսմրցույթում ԵՊՀ իրավաբանական ֆակուլտետի ուսանողների մասնակցության շարունակական ապահովմանը: 
 

Մրցույթի մասին մանրամասն տեղեկություններ կարող եք ստանալ հետևյալ կայքից` http://www.europeanmootcompetition.org/index.php:

2008 թվականի մրցույթի արդյունքները`
 

Uni Name
FINAL RANKING
St Kliment Ohridski
1ST
Jagellonian University
2nd
Charles University
3
Kyiv International University
4
Tbilisi State University
5
University of Latvia
5
Warsaw University
7
Jaroslav the Wise Law academy
8
Vilnius University I
9
Adam Mickiewicz University
10
Yerevan State University
10
Comenius University
12
Niklaus Copernicus University
13
University of Craiova
14
Georgian American University
15
Alexandru Ioan Cuza University
16
University of Gdansk
17
Tbilisi state university of Economic Relations
18

 

 

  Print  
Privacy Statement  |  Terms Of Use  |  Copyright 2007 by My Website