Խորհրդի հիմնադիր նիստը, 19 մարտի 2007

Առաջին նիստի օրակարգը ներառում էր գլխավորապես Խորհրդի կանոնադրության հաստատման, Խորհրդի նախագահի ընտրության հարցերը և Կենտրոնի` առաջիկա 6 ամիսների համար ծրագրված գործունեության ներկայացումը: Քանի որ սա առաջին նիստն էր, ECEILAW ծրագրի թիմի ղեկավար Յուրգեն Բինդերը, ԵՊՀ Ռեկտոր Արամ Սիմոնյանը և Եվրոպական հանձնաժողովի հայաստանյան ներկայացուցչության ծրագրերի ղեկավար Դավիթ Ավագյանը ողջունեցին Խորհրդի անդամներին և նիստի մասնակիցներին:

Դրանից հետո խորհրդի անդամները իրենց կարծիքը արտահայտեցին Խորհրդի` ներկայացված Կանոնադրության վերաբերյալ և այն ընդունվեց մի քանի աննշան փոփոխություններով:

Առաջիկա մեկ տարվա համար միաձայն խորհրդի նախագահ ընտրվեց Արդարադատության նախարար` Դավիթ Հարությունյանը:

Օրակարգի համաձայն, Կենտրոնի տնօրեն Արթուր Ղազինյանը ներկայացրեց Կենտրոնի պլանավորված գործունեությունը, ներառյալ պետական մարմինների հետ համագործակցությունը օրենսդրության մոտարկման գործընթացներում: Նա նշեց  ԵՀՔ հարցերին նվիրված քննարկումների կազմակերպման հնարավոր ծրագրերի մասին: Արթուր Ղազինյանի զեկույցի գլխավոր կետերից մեկը գործընկեր կազմակերպությունների հետ համագործակցության կարևորությունն էր, հատկապես AEPLAC-ի:

Խորհրդի անդամների միջև քննարկում եղավ AEPLAC-ի և Կենտրոնի հնարավոր համագործակցության նշանակության և գործունեության կոորդինացման անհրաժեշտության վերաբերյալ, աշխատանքների  պլանավորված գործունեության կրկնությունից խուսափելու նպատակով: Համաձայնություն ձեռք բերվեց հանդիպում կազմակերպել AEPLAC-ի ղեկավարության և Կենտրոնի ղեկավարության համար, առաջացած վիճելի հարցերը առավել մանրամասն քննարկելու համար:

Խորհրդի նորընտիր նախագահ Դավիթ Հարությունյանը նշեց Խորհրդի հաջորդ նիստի ավելի շուտ անցկացնելու անհրաժեշտությունը և առաջարկեց ապրիլի 23-ին ևս մեկ անգամ հանդիպել: Հենց այս որոշմամբ էլ Խորհրդի առաջին նիստը փակվեց:

Խորհրդի երկրորդ նիստը, 23 ապրիլի 2007